畢業於澳門大學市場營銷學系、現年24歲的豪Dee（歐陽仲豪），一直醉心話劇演出，偶然從學長「雞Wing」（同為微辣藝人）口中得知，微辣正聘請臨時演員。當時仍是大學生的他，被時薪100元吸引，不惜在期中考前夕放低書本做臨演，「我仲記得當時做了16個鐘，出糧係用現金出，六毫子仲唱散咗100蚊，一張張數畀我，好有滿足感。」

拿着一小疊百元鈔票的豪Dee，接受六毫子邀請加入微辣的大家庭一起拍片，更天真地以為每次拍片都有酬，「當時男扮女裝，扮白雪公主，喺生果檔拎蘋果食，扮暈低去嚇身邊嘅路人。」整蠱片講求觀眾的反應，往往要NG好幾次，最後豪Dee足足吃了10個蘋果才完成拍攝。

「當時等（出糧），等咗一星期都未有，就諗住係細公司（遲出糧）好正常，後來先知道，原來拍原創小短片係純粹玩同埋開心，係無（酬）嘅。」熱愛演戲的豪Dee認為，在澳門，只有微辣有足夠的空間發揮，人工亦只是次要，「澳門嚟講，能夠咁認真去玩，係得微辣，所以我想同佢哋一齊拍片。」

成為微辣藝人後，豪Dee埋首在劇本創作和演出，最喜歡構思劇情片。鬼主意多多的他並不滿足於此，其後更拍過多條天馬行空的短片，如在中秋節扮人形月餅、帶住富士山頭套去日本旅行，甚至連Thomas火車頭都扮過，「我就係想做一啲大家都未睇過嘅野，有成功感。」這些人形道具大多由他親手造，當中Thomas火車頭由他和拍檔，合共花了逾30小時才製作而成，「微辣有空間去創作，當時我係公司搵地方整（道具）火車，又要用噴漆，成日整污糟咗啲枱。」

豪Dee現時是澳門最紅的網紅，在Facebook上有逾19萬粉絲，Instargam上有逾10萬粉絲追蹤，人氣爆燈，「當初六毫子叫我開Page，我仲覺得『下，點解要開Page，我都無乜人識，點解要咁樣裝大頭鬼』。」後來回想起來，才知道老細是對的。

「我讀嘅中學得2,000幾人，當時我有3,000幾個粉絲，已經覺得好開心，後來突破1萬人，係意料之外，先知原來我觀眾緣都幾好。」現時Facebook粉絲人數急增近20倍至19萬，豪Dee也坦言，自己曾迷失在這場數字遊戲中，「有一段時間覺得有壓力，被數字捆綁，試過開住一條片，每分鐘睇住（觀看人次）點樣升上去。當數據唔好，我就反思條片有咩地方做得唔好；數據好，就會全日都好開心。」後來，他學會坦然面對，不被數字控制情緒，「如果你個人本身有蹺，唔會局限係表現形式上，即使應對任何平台和任何環境，都會搵到方法生存。」

節錄自第578期《iMoney Focus》封面故事。

撰文：

蔡璿驩