投資理財

唐樓癡投資舊樓 因「Love them and save them」

唐樓癡投資舊樓 因「Love them and save them」

「唐樓癡」Dare Koslow投資唐樓為了「Love them and save them」,過去一直就收樓問題與市建局博奕。雖時有不忿勞累,但他坦言不放棄、不妥協,「因為我深信自己做緊嘅嘢,係創造緊一個更好嘅香港。」

Dare說,拒賣唐樓不是想阻人發達,只是眼看政府在市區更新上毫無遠見,不捨得把心頭肉交到他們手上。「中上環條條街都話起新樓建豪宅,我會問政府︰Where is the control?呢區之後的人口、設施和交通都會出問題,發展商可以唔理,但政府唔理就係失職!」

【相關文章︰唐樓癡收購舊樓 翻新出租

他認為市區重建應平衡社區利益和社會需求,萬一兩者不能共存,亦要堅持其一。「目前社會最大訴求是Affordable Housing,但重建發展幾乎全是豪宅,居民意見聽完就算,業主去留無話事權,而收樓工程往往會阻礙樓宇買賣和維修,危害幢樓同小業主嘅利益。話就話市建局係協助市區重建的機構,但佢哋亦令市區重建無法好好落實。」

言則市建局若能做到平衡發展,你就肯賣樓?「我從來唔係針對市建局,若每項重建都以大眾利益出發,在發展時的同時可保留有歷史意義、地區特色和代表性的事物,唔係所有嘢一律拆拆拆。我何止賣樓?我仲會全力支持、幫助URA(市建局),甚至會愛上佢。」

撰文:

郭麗安

具國際視野的投資理財雜誌,請讚好iMoney智富雜誌Facebook
相關文章

唐樓癡收購舊樓 翻新出租

投資理財
00:00 2011/04/22