日日為投資者操盤的英Sir，個人投資當然落在自己管理的基金上，他透露加上太太的資金，更是基金的最大投資者，其他投資就是物業。擁有3個物業單位的他，笑言首次置業是無心插柳。當年是沙氏之後1年，有天他與太太飲完茶，剛巧見到有架睇樓車停泊在酒樓樓下，老婆大人一句︰「睇樓囉！」就這樣，英Sir最後就買了首個自置的愉景灣物業。

「當時入場費只要俾5%首期，就有二按25%，70%銀行，又俾番4%現金回贈，即佢俾番12萬買家，300萬的樓，實質288萬，但我就係用300萬借錢買，然後只拎15萬出嚟先，成交後俾番12萬我，即淨俾3萬，仲要係簽卡俾。」這段買樓經歷，英Sir講起也會心微笑，又說加上另外3萬元開支，只6萬元就購入一個約900平方呎單位的擁有權回來。

想知道更多股市、樓市、理財、科技、健康生活資訊，即Like iMoney Facebook專頁啦！

炒樓就算 炒股已夠

至於第二和第三個物業均於2011年買入。英Sir母親的舊居是舊樓，因單位有白蟻，但又不想裝修，他亦老老實實跟買家說白蟻一事，怎料對方不介意拿百多萬元裝修，反而指︰「間屋仲會旺些」。

英Sir又曾為城中富豪投資，該個5億元投資計劃令他賺了一筆可觀管理費，足夠買樓。最後，英Sir購入約千平方呎廣播道和約1,300平方呎簿扶林兩個單位。現時，廣播道的單位用作自住，而薄扶林和愉景灣兩單位（右圓圖）則放租。但他指自己不懂投資物業，笑言︰「Timming好，但Location差。」

「我炒股已好足夠，而我個資產亦都好足夠，就算現在基金跌20、30個百分點，都無乜影響我生活。」英Sir繼續專心炒股，而現時擁有的3個物業單位亦不打算賣。

「我同老婆講，就算賣咗啲樓亦唔會再買，最多租，租間又大又靚的屋，Yeild最多咪厘幾兩厘，攞賣樓筆錢去租的話，俾盡（租）50年我都死咗啦，咁我又唔使身後有咩牽掛，又無人要繼承我間樓。雖然（如再買樓）我Full Pay都Ok，但費事搞到有個大負債喺度，同理樓市都唔方會再升得去邊。」

撰文：

伍寶賢