投資理財

有個肯陪你捱M記的美國總統 要好好珍惜?

有個肯陪你捱M記的美國總統 要好好珍惜?

美國政府停擺,雖然暫時股市照升,但對美國當地經濟自然不利,白宮廚師無錢出糧,所以昨日特朗普都要捱麥當勞。

其實,特朗普係為左招待美國大學橄欖球賽冠軍Clemson Tigers,所有都係自己出錢。佢仲驚有人唔食M記,叫埋Wendy’s 同Burger King。特朗普透露自己叫左300個漢堡包,仲有好多Pizza同薯條,不過預期賓客會食得晒,唔會浪費食物。

其實今次係特朗普精心佈局,藉接待Clemson Tigers,做出「被迫涯M記」的畫面,要等美國國民睇到美國總統幾慘,用輿論迫民主黨讓步。

不過調番轉頭,美國停擺愈耐,中美貿易戰談判就更易有好結果,皆因雙方都怕太影響經濟,而且聯儲局更加唔敢加息。所以點解美國政府愈停,股市反而升左上去。

註:其實特朗普出名好鍾意食M記

文章獲作者授權轉載,原文刊於股票迪人Facebook專頁

撰文:

謝克迪CFA

具國際視野的投資理財雜誌,請讚好iMoney智富雜誌Facebook