政經

月入33萬都買唔起樓 之 有誰共鳴

月入33萬都買唔起樓 之 有誰共鳴

特首林鄭月娥上電視台推自己的施政報告,講起房屋政策,講到樓價貴時,她自爆去年做政務司司長時,想買間屋退休,計劃用盡700萬元退休金,再加私己錢,但只能買到個三房單位,大約要花1,500萬元,仲要在新界,最後冇買。當時她年薪400萬,即月薪33萬元。連林太都買唔起樓,仲話因為樓價太貴,聽落似乎跟小巿民感同身受。

之但係,林太有1,500萬元,唔住三房都仲有其他選擇,更何況現時一房戶、納米樓屢見不鮮,對比小巿民連一個基本居住需要的單位都買唔起,小巿民聽落真係好難有共鳴,層次真係好唔同囉。

雖然林太跟大家都感受樓價太貴,但恐怕她永遠感受唔到不斷被加租、而又上唔到車那種走投無路的迫切困境。

撰文:

鄭靜珊

具國際視野的投資理財雜誌,請讚好iMoney智富雜誌Facebook